簡介
未到三十歲，我班friend就迫不及待問我：「喂，阿邊個，你幾時死？」連我個名都懶得叫，彷彿I don't even deserve a name！
漸漸地，問我「幾時死」這句話，已從我的生活圈子擴散開去，感染了社區，滲透入社會，取代了「食咗飯未」，成為人們對我的一句問候語！
我冇李嘉誠咁有錢，我冇梁朝偉咁型，我冇葉問咁勁，我冇愛因斯坦咁聰明，我通通都認。但係，so what？點解要問我幾時死？我唔明！
為了証明我都可以活得很精彩，我做了一個決定 ── 我決定唔死住。
從此，人們不再問候我。可是，我從他們的眼神，小動作和語氣中，讀出了四個字：遺禍人間！
