《大成小士多》（第三分店）怕怕丑丑

一個屬於士多的故事，一個屬於香港的故事，一個賺人熱淚、感人肺腑、蕩氣迴腸、動人心弦、有血有汗、有講有笑嘅真實小故事！



士多仔一出世已經被汽水、啤酒、煙仔、朱古力、吹波膠重重包圍。

細時終日以水櫃當舞台，汽水樽當咪高峰，床單當斗篷，紙箱當堡壘，日日係士多內上演幕幕創意搞笑嘅孩子戲！今日士多仔長大了，士多亦已經光榮結業，一切都改變晒，但內心深處嘅攪笑跳皮細胞尚未變種，決意將昔日士多內的小舞台搬上大劇場，向家人及士多這將式微嘅行業致敬！