【社區文化發展中心 CCCD】本月尾分享展示他們在疫情香港底下的自我閉關的藝術修煉！佢地用佢地擅長嘅方法講佢地嘅古仔：獨腳戲、舞踏、行為藝術、錄像、書法、音樂、講古仔…形式唔同，或者同香港發生緊嘅兩場瘟疫有關：
《四日談》 (Tesserismeron)
*節目主要以廣東話進行
直播平臺：https://www.facebook.com/cccd1/
直播日期：2020年4月30號 – 5月3號（星期四至日）
直播時間：
晚上07:00 - 07:15 雄仔叔叔
晚上07:25 - 07:40 李俊亮
晚上07:50 - 08:05 伍綺琪
晚上08:15 - 08:30 三木
晚上08:40 - 08:55 余在思
晚上09:05 - 09:20 梁偉傑
晚上09:30 - 09:45 陳偉國
創作概念◣ 《四日談》靈感來自《十日談》（Decameron）。本書係義大利文藝復興時期作家喬萬尼·薄伽丘所寫嘅短篇小說集。
1348年係佛羅倫斯發生一場瘟疫（黑死病），死咗十多萬人，後來傳遍成個歐洲。(有人話說瘟疫源頭係東亞) 。受感染而死嘅人估计達到七千五百萬到二億。薄伽丘用呢場瘟疫做背景，寫咗《十日談》，內容係講七女三男到佛羅倫斯郊外山上一座別墅躲避瘟疫，係一個賞心悅目嘅園林裏面住落嚟，唱歌跳舞美食之餘，決定每人每日講一個故仔嚟渡日，最後十日合共講咗一百個，就係《十日談》嘅內容。呢啲故仔內容包括一啲當時現實生活嘅描寫、有愛情有性慾、有做生意發財嘅經驗分享，但係最重要嘅就係呢啲故仔係對當時帝王、貴族、教會等等黑暗勢力大大揭露、諷刺同埋鞭撻！
《四日談》只有六男一女，佢地並唔係去到一個香港後花園做《四日談》，而係喺一家香港酒店自我隔離，可能四日全部就係酒店房間渡過，用房間做佢地嘅表演場地（然後即時網上直播），佢地甚至冇機會互動（最多可能係四個人以內）！
我地知道即時網上直播唔係人人可以睇得到，不過係呢個需要社交距離嘅時空，數碼空間係保持人同人之間嘅溝通乃至建立親密狀態嘅方法，因此我地相信電腦同埋利用互聯網嘅技巧都係我地日常生活嘅必需品。不過我地亦都知道，肺炎底下人人平等嘅講法係荒天下之大謬。呢個世界包括香港有好多人冇電腦冇得用互聯網，佢地住係麥當勞、露宿、或者一家人住係一百呎嘅地方。佢地冇錢買口罩，冇錢買洗手液，甚至冇清潔嘅水洗手……
///////////////// 藝術行者 //////////////////////
雄仔叔叔◣
講古佬，也寫詩，1994年創辦慢慢走故事坊，成為工匠，專志製造想像的真實。
李俊亮◣
劇場人，近年以創作獨腳戲為主，既簡約又環保。
伍綺琪（Kiki Ng)◣
遊走劇場、社區藝術與教育之間，相信故事可以為世界帶來改變。主要劇場和音樂創作源自真實生命故事。
陳式森（三木)◣
1963年出世，57歲。1986年開始行為藝術創作。最近開始唔係幾年青，所以試下盡量返番轉頭。
余在思◣
愛寫書法，時不時用手指在大肶上畫字，曾在日、台、港辦書法工作坊，發掘筆墨各種好玩法。
梁偉傑（Grad仔)◣
籌辦多屆香港舞踏節( Hong Kong Butoh Fest )、舞踏表演者。
陳偉國◣
資深攝影及電影工作者，涉獵範疇包括藝術攝影、人像攝影、電影劇照、攝影教育等，相信每一張照片背後都是一個故事。