簡介
「你話你係飛蛾，你就係飛蛾。你話你係飛鵝，你就係飛鵝。」
由去劇場主辦，陳庭軒及鄧灝威聯合導演作品《港城阿牛》受易卜生經典作品《培爾金特》啟發，香港土生土長嘅年青編劇青山鐵路喺幻想中嘅港城回望自己以及包圍住佢嘅世界。呢個想像嘅世界裡面有人有動物、有過去有現在⋯⋯好多人離去不知所蹤，有啲人始終滯留某個時空；而呢一眾生命以表演作為儀式，將疑幻似真嘅港城發生過嘅一切都串連起嚟，並透過理解眼前嘅劇場世界，重新審視依家嘅自己。
繼上年創團作《一即全、全即一》之後，《港城阿牛》同樣貫徹團隊對劇場的互信、同行、集體呈現嘅重視。演出形式亦以演員身體表演為重心，由獨立嘅角色為點，透過互動牽綫，再鋪展出編劇建構嘅想像世界。
*演出全場1小時30分鐘，開始15分鐘後，遲到及中途離場者不獲安排進場
藝術發展局資助計劃
香港藝術發展局全力支持藝術表達自由，
本計劃內容並不反映本局意見。