深水埗演義15 – 《香港叛疫哪吒》社區文化發展中心 CCCD

以前抬哪吒神像出巡，瘟疫就驅散。今回限聚又Lockdown，就响劇場做場新世代神功戲兼驅瘟儀式啦！

點解冇乜人知道深水埗有座哪吒廟？

就係汝州街嘅「三太子宮」。百幾年前鼠疫橫行香港，有人諗起請哪吒打救。1894年界限街以北，一班深水埗居民從惠州請來哪吒神像响深水埗出巡，瘟疫果然退散。深水埗街坊就夾錢興建哪吒廟鎮疫驅邪，其時英 國殖民管治者卻對港島太平山街疫情束手無策。1898年立廟之時，適逢英國強租新界，於是「深水埗」及「哪吒廟」亦成為「香港」嘅一部份喇。唔單只係神話故事，仲係深水埗既故事，香港人嘅故事！此時此刻，【深水埗演義】翻兜三太子哪吒响香港嘅故事，正合時宜！

究竟請哪吒嚟香港嘅係咪香港人？香港仲需唔需要哪吒？

新世代「神功戲」再創造：
戲劇/劇場本源於祭祀、傳頌神話、渡化心靈。包括歌聲與舞蹈的應用，通過現代劇場手法融合傳統儀式身法、講講神和人的故事，了解廟宇文化的社區功能，從神話結構反映的集體潛意識、社會價值觀，以至大眾願力结集…讓大家一同參與劇場裡的廟會。

麥璇子自編自導自演，以獨腳戲實踐她這些年研習的小劇場/環境劇場創作與表演訓練、東方身體觀、儀式劇場，實驗新舊時代文化傳承與超越的化學效果。

是次獨腳戲由「社區文化發展中心 CCCD」委約創作。創作過程需調查、尋訪並發堀隱藏的深水埗故事及史料。2020年至2023年香港疫情期間，本計劃團隊仍接續進行社區、歷史及地境研究，成就目前第11、12、13、14、15六個項目。( 其他節目詳情另見網頁 )