簡介
一次活動，帶走【四把口簧琴】，玩一個晚上。
來一場口簧琴盛宴，燃點大家對呢樣樂器嘅興趣！
是次活動，店長將會和你分享四款口簧琴基本原理和玩法，
了解背後製作過程和文化歷史，
並和大家一起試玩，務求令你在離開時學會四款口簧琴的基本發聲玩法，
讓大家可以展開口簧琴的聲音探索之旅。
經過兩年開店經驗，我地發現好多朋友都對口簧琴有興趣。
但係，當要落手嘅時候就好煩惱，
究竟買邊款好？
我地當然會話，買曬就乜都可以試啦！
但新手角度黎講，買曬又未必返去識玩，咁咪好浪費？
於是我地就設計左呢個活動，等大家可以一次過學曬並帶走四種唔同嘅口簧琴。
四款跨越地域嘅琴包括：
1. 越南 黃銅製 單簧Danmoi （貼唇）
2. 越南 黃銅製 雙簧 Danmoi （貼唇）
3. 菲律賓 竹製 Kubing （貼唇）
4. 奧地利 鋼製 Jew’s Harp （貼牙）
除左可以帶走四款琴，店長同場會同大家分享來自世界各地，包括印度、印尼、俄羅斯、越南、日本、中國、菲律賓、捷克、奧地利等不同地方製作的口簧琴，如大家當日有興趣，更可以參加者身分優惠購買。
適合人士：
- 對口簧琴有興趣，但又唔知點開始嘅你
- 已經有一個口簧琴，想試其他款但又怕玩唔響嘅你
- 想豐富你嘅音樂，尤其對Beat box / 電音有興趣嘅你
- 對歷史文化有興趣，喜歡體驗式學習嘅你