余項詞

大家好，我係Godfrey ，玩左花式足球大約六年，當初接觸呢樣運動係因為睇咗一個朋友玩花式足球嘅片段而開始嘅。而我亦都係香港花式足球代表，曾經多次代表香港參加國際性嘅花式足球賽事，其中啱啱喺捷克舉辦嘅花式足球世界賽Superball當中嘅中級組賽事獲得世界頭32嘅成績，算係對自己嚟講嘅一個突破。花式足球最吸引我嘅地方係佢非常具備挑戰性，每一個招式都需要好多時間同心機先可以練成，所以當成功練成每一招帶比我嘅滿足感都好大。另外，花式足球其中一個最特別嘅地方就係佢嘅自主性好高，同講求團隊合作嘅足球截然不同，唔需要成日同人配合，可以話係只需要的波唔需要傳波，鍾意練咩招式就咩招式，咩風格就咩風格，訓練強度同頻率都係由自己決定，而呢個都係我其中一樣最鍾意花式足球嘅原因，就係佢嘅高度自主性，能夠無拘無束咁做自己。對我嚟講花式足球遠遠不只於運動，而係一種自我表達，係自己身份重要嘅一部份。而我亦都希望透過表演話比香港人聽香港花式足球嘅存在，並且傳達自己對於花式足球嘅熱誠，希望藉此感染身邊嘅人，去勇於追求自己嘅夢想。

資料來源：大館