手寫揮春體驗班 | 妍墨 x Read-Cycling 書送快樂妍墨

一年容易又新年，相信大家已經開始準備將屋企執到乾乾淨淨，到時再黐埋揮春，咁就可以迎春接福啦～

如果你......
想誠心誠意書寫龍年嘅祝福，但又苦惱緊唔識用毛筆寫揮春？
依家機會嚟啦，書法導師 妍墨 將會喺「蒲書館」開辦手寫揮春體驗班，喺短短個半鐘教識大家點樣寫好基本筆畫，再教埋大家寫常見嘅揮春賀詞～
可以接觸少少書法知識，又可以帶走滿滿祝福同溫度嘅揮春，仲送埋導師親筆揮毫，簡直係一舉三得。

- 費用包括：蒲書館$30書券、材料費及一張導師書寫的揮春