2024新春日日派對之《四做》Bleu Studio

號外！號外！都係個句啦～藝術呢家野，一人又得，兩個人都得，團隊合作又得！快啲睇下先啦！

過咗年初三，初四咁既樣，然後初五返工就更加初五咁既樣，咁不如講下初七啦！

初七「人日」～ 先預祝大家人日快樂！為左慶祝「人日」，bleu studio由初七（16/2）開始，一連七日同大家日日開派對，一齊感受「人日」習俗之餘，仲可以製成「人日」禮物包拎住走！

傳統「人日」有個《四做》既習俗：戴人勝、贈花勝、撈起、登高！戴人勝係漢朝開始既一個習俗，用彩紙、絲帛等材料製成人形小公仔，做頭飾或者貼係屏風；而贈花勝就係用同樣既材料製作小花朵，贈送比重要的親朋戚友。至於撈起，正確黎講應該係「撈魚生」，大家可能都有聽過：魚生、生菜、紅蘿蔔、青瓜等切絲放在一個碟上，大家圍住圓枱並一同用雙筷把食材「撈起」，嚷著「撈啊！撈啊！」。最後，相傳「人日」登高，有思念和祝福的寓意。

bleu studio.....2024新春日日派對同你一齊《四做》：
1.「戴人勝」小飾物工作坊（約45分鐘）：製造人形公仔（或其他自選形狀）飾物，加工可作鎖匙扣，磁石貼，耳環等。

2.「贈花勝」手繪玻璃樽工作坊（約60分鐘）：手繪梅花（或其他自選圖案）於玻璃樽上，放入燈串及加上木底座，可放桌上或作禮物贈送親友。

3.「撈起」流體畫體驗工作坊（約45分鐘）：（一人或集體）從高處將顏料倒在畫板上或直接撥到牆上，讓顏料自然流動、混合、撈起；將流體畫圖案薄薄一層印在咭紙上製成明信片，可以自己收藏或作禮物送給他 / 她。

4.「登高」寓意自由繪體驗工作坊（約40分鐘）：我手繪我心。。。憑藉您既心思意念，自由自在地畫出您心中的山水風景畫（或其他畫作）（註：可選擇和諧粉彩體驗；或塑膠彩體驗，畫係畫板、樹木年輪板、Totebag；引入環保概念，仲可以選擇畫係用於鐵罐的膠蓋。導師免費提供恰當指導）。

- 每個工作坊最少可 1 人參與，及最多可 15 人一組。如多於 4 人同時參與，請聯絡主辦查詢團體活動安排。