白只、楊偉倫 ( 阿卵 )、邱頌偉 ( 阿雞 ) 三位劇場怪人誓以只此一家嘅幽默搞笑風格，演繹多個生活上出現消極情緒嘅短篇故事，令你有共鳴感之餘，亦明白到：消極，唔係被動，只係將自己擺喺一個進可攻退可守嘅境地。

舞台劇《消極之鬼》以多個獨立故事組成，有搞笑有共鳴有互動有感性，精彩內容包括：

【七傷拳力遊戲】
七傷拳傷人七分、自損三分，奈何日日有人來踢館，弟子為保招牌，不惜施展渾身解數應戰，結果搞到筋疲力竭、五勞七傷。直到有一晚得到師傅報夢：這個世界上有樣東西叫數學。計啱數，其實唔洗下下出盡全力。

【公司註冊雙標】
每間公司起碼有一個老闆，每個老闆起碼有兩套標準。無他的，老闆也是人。人有時會用左腦，屬於理性思考；有時用右腦，屬於感性思考。但更多時候，老闆仲比其他人多一個腦：「不用腦」。

【話題終結者——掃興凌】
你身邊有冇咁樣嘅朋友：佢無所不談，熱烈參與任何聚會入面嘅任何嘅討論，乜都搭到咀，但只要佢一開口，所有人都…俾唔到任何反應，dead air。
呢個話題終結者嘅名字叫做……掃興凌。

【斷捨離之手中無劍心中有劍】
斷捨離大師將人生最後一件物件也放下了……他把物件贈有心人，有心人前來交收時驚見大師家中已空無一物，大師示範何為「手中無劍心中有劍」的生活模式，當把所有不重要的事情放下後，真正重要的自然會出現。

* 以上故事只作參考，演出時可能會有刪改。