舞台表演管理及製作課程東華三院東蒲

鐘意嚟東蒲睇Show？
今次唔止咁簡單，我地仲會帶你深入後台，體驗舞台演出背後嘅工作！
今個暑假，東蒲請嚟擁有多年舞台技術及製作經驗嘅導師，為熱愛音樂表演/後台製作事業嘅青年提供一個舞台表演管理及製作課程培訓！

學習舞台各種知識技術，實際上手做，培養你嘅技能！
課程包括舞台管理、舞台安全⚠、燈光同音響操作等知識及技術！
最後一堂會係你展現才華嘅最佳機會，同學仲會喺專業導師嘅指導下親自策劃一場演出！
每位學員都有機會參與同親身體驗後台唔同嘅工作崗位，加深對舞台演出嘅瞭解，實踐所學到嘅知識同技能。課程期間表現良好嘅同學仔有機會參與東蒲未來演出活動嘅製作添！

仲有呀，今次參與課程嘅同學仔會有以下福利：
1. 免費一小時使用東蒲一般場地設施 (不包括胡李名靜體育館)
2. 表現積極及獲導師推薦者，可參與東蒲及校園演出之舞台表演管理及製作
3. 出席率滿80%可獲東蒲頒發證書