簡介
近來興起嘅Y2K熱潮，令好多千禧年代嘅產物逐漸浮現喺公眾嘅眼球入面，無論係Y2K style嘅時裝穿搭，定係CCD相機，甚至係音樂風格、影相嘅pose...又有冇人會記得，其實Y2K當年係講緊一個叫千年蟲嘅電腦bu
同人講舊物，大家慣性地將呢樣嘢聯想到古董，係咪啲酸枝呀？清朝嘢？再唔係咪民國？舊物當然冇一個定義，早排搬屋搵到一大堆細個儲落嘅嘢，先驚覺，原來喺我成長嘅年代，千禧前後嘅事物，已經係廿年前嘅事，係呀，我哋以前嘅生活日常，原來而家已經變成咗復古潮流。
隨住時代不斷向前，愈嚟愈多過去嘅嘢都變成舊物，而我哋都不知不覺成為咗大人，慨嘆青春不再嘅同時，就不如趁我哋喺仲未大個得哂嘅同時，好好記住呢啲屬於我哋嘅青春回憶？
今次嘅市集，除咗有一眾舊物小店外，現場亦設有「回憶體驗專區」，亦將一啲封塵已久，想當年嘅「潮物」重現喺大家眼前，俾大家攞上手懷緬吓舊時。