簡介
上一集講到，「破浪青年」終於聚埋一齊決定出海遊歷，但礙於只有三個月時間，於是佢哋決定分頭行事，去自己有興趣嘅小島探索，然後再互相分享自己所見所聞，雖然探險期間偶爾遇上大雨或酷熱天氣，但哋依然滿腔熱情，排除萬難後順利完成旅程。
就喺前日，青山島民收到來自「青年號」船長發出嘅訊息，佢話「破浪青年」返緊嚟啦！一眾青山島民聽到呢個消息都十分激動，為咗好好迎接呢班勇敢嘅年輕人，島民都一齊落手落腳準備青山第一個「破浪青年成果展」，好快，所有嘢都準備好，但對於成果展應該叫咩名，就遲遲未有定論...
正當青山島民一籌莫展之際，佢哋再收到「青年號」發出嘅訊息：「各位青山島民，很久不見，很是掛念！我哋係『破浪青年』，並且已經諗好咗，今次嘅成果展叫『見吾見島』，寓意透過今次嘅成果展，俾大家見到我哋嘅成長，同時透過分享，令大家知道唔同小島嘅特色，希望大家都喜歡呢個名！」
青山島民一致認為呢個名好有意義，決定沿用「見吾見島」作為今次成果展嘅名稱，亦代表終於可以將成果展詳情傳開去，令更多人知道「破浪青年成果展」即將開始...
內容｜
浪子心聲 - 破浪青年分享實習期間的經歷及成長
️️拜師學藝 - 破浪青年展示在實習機構學到的技能
島民聚餐 - 當日場地將提供飲品及素食甜品
島民同樂 - 破浪青年透過工作坊、遊戲等活動展現實習機構的核心價值
製作／參與人員
主辦青年夢工場
參與單位非常香港, 生活書院, Mosi Mosi Lab, 復修辦館, 嗎哪膳工, Rolling Books, 綠腳丫/百好繪本士多, 流動架生房