簡介
舊精神病院「立面」導賞團？或者你會好奇呢個導賞團會帶大家睇啲咩，想知道嘅朋友仔就快啲報名參加由「中西區民政事務處」主辦，「活現香港」協辦嘅導賞團，一齊黎認識香港唯一純用花崗岩石塊砌成外牆嘅巴洛克式建築，並從歷史價值、保持原貌程度及社會價值各方面認識呢座法定古蹟。
為咗烘托節日氣氛，我哋會喺萬聖節 （10月31日）舉行特別版導賞團，導賞員及工作人員會著住萬聖節服飾嚟接待大家。唔止咁，我哋更加邀請所有參加者一齊裝扮，一齊扮鬼扮馬嚟參加呢個導賞團！
快D跟住我地專業嘅導賞員，一齊走入呢棟歷史建築，細聽背後嘅故事同民間傳說啦!
更多詳情：https://www.instagram.com/p/C_AL4_yhAml
- 每團約45分鐘
- 每團25位 ( 額滿即止 )
- 截止報名日期為活動三天前，成功報名人士會有專人通知活動集合時間、集合地點等詳情。