郁動快樂 - 創意律動課程：郁郁探索親子樂聖雅各福群會 - 舍區

延續暑期郁動嘅快樂！舍區繼續夥拍稻田故事工作室，同大小朋友一齊以身體律動，親親身體及彼此，同歷愉快嘅學習同親子時光！

9月至10月份嘅創意律動課程包括為親子而設嘅「郁郁探索親子樂」，以及為幼兒而設嘅「小孩郁郁體驗班」，並設有全新主題—《我們與牠們的家》及《昆蟲一小步》，帶來不一樣嘅律動創意體驗！

透過動動身體嘅過程，發展小孩子潛在嘅身體能力同創意想像，同時亦有繪本故事分享時間，加上手作DIY環節，加深對課堂內容嘅印象，亦令學習更有趣！

一齊嚟郁郁郁，以創意發掘身體可能，打開想像，一同共學共樂！

=============================================================

【郁郁探索親子樂】

🏠主題（一）：《我們與牠們的家》

讓孩子們踏上一段奇妙嘅探險，揭開動物家園嘅神秘面紗！
有啲動物巧妙地收集周圍環境嘅物品用作建造自己嘅小窩，有啲喺出世後就開始獨立生活，又有啲更會終身居住喺自己嘅身體入面！
通過身體模仿同創造，孩子們將展現無限嘅想像力，並且探索自己家嘅形狀同物品，一齊發現「家」嘅無限可能！

【郁郁探索親子樂：2至3歲班】
平日場次：9月24日（二）10:30am – 11:45am
周末場次：9月29日（日）10:00am – 11:15am

【郁郁探索親子樂：4至6歲班】
周末場次：9月29日（日）01:00pm – 02:30pm

🐛主題（二）：《昆蟲一小步》

您有留意生活中嘅小昆蟲嗎？您有睇到佢哋嘅生活痕跡嗎？
原來有啲昆蟲係愛心小老師？有啲係樹林音樂家？更有隱身術高手？
縱然我哋身在城市，小昆蟲依然無處不在，就讓我哋好好了解佢哋，用我哋嘅身體郁黎郁去，學習欣賞每類昆蟲如何靠住小小身軀，完成生活中每一個難題，為地球生態系統行出一小步。

【郁郁探索親子樂：2至3歲班】
平日場次：10月22日（二）10:30am – 11:45am
周末場次：10月26日（六）03:30pm – 04:45pm

【郁郁探索親子樂：4至6歲班】
周末場次：10月26日（六）05:00pm – 06:30pm

地點：舍區 — 活動室1-3（鰂魚涌海善里20號 - 鰂魚涌公園二期側，近海堤街，鰂魚涌港鐵站B出口步行約8分鐘）

費用：每場HK$120（一位家長及一位小童）

=============================================================

報名需知：
⬤ 每次報名只限1對親子，每個電郵只限報名一次。
⬤ 付款方法：PayMe (毋需手續費)、信用咭 (需額外收取3%手續費)、PayPal (需額外收取3%手續費)、支付寶/微信 (需額外收取3%手續費)。
⬤ 活動期間會進行拍攝/錄影以作記錄、報告、推廣及宣傳用途。如日後選用相片涉及參加者的肖像，將不另行通知。