《華埠鬼節》中華嘩鬼派對藝術到家

恭喜你！收到一封嚟自故事之鬼嘅派對邀請函！如果夠膽唔去嘅話⋯⋯你將會錯過好多精彩鬼故事啊。藝術家們一連兩屆參加咗美國三藩市華埠鬼節，收穫咗好多有趣嘅、詭異嘅故事，香港嘅朋友仔唔洗擔心聽唔到啦！

適逢萬聖節，係時候中西合壁一下，嚟返場香港嘅中華嘩鬼派對。出席嘅藝術家包括Peggy Chan，黃嘉瀛，Rik Yu，張哲，林斷山明同埋葉啟俊，仲有特別嘉賓，由三藩市遠道而嚟嘅策展人阿凱。

除咗同大家暢談駐留三藩市社區期間嘅經驗，當晚嘅重頭戲就係鬼故大會，分享兩地嘅精彩鬼故事，真係「港」「藩」都驚啊！

同場加映！當晚會有趣怪攤位，同大家影影相、睇鬼故，又可以試玩鬼節主題嘅編織小手作，仲會有「最佳嘩鬼造型」獎，快鬼啲報名啦！