「十年瑣碎」Den Lau 平面設計 / 字體設計 / 城市攝影及錄像展城市霎眼錄

香港有一個傳聞係：「細個讀書廢，大個做設計。」 有冇一個可能係細個嘅時候我好天真咁真係信咗，所以專登讀書咁廢。當然大個咗發現童話裡都是騙人的。

記得我由細細個開始，已經好鐘意整啲嘢出嚟比人睇，例如我記得小學嘅時候我成日畫嘢，自己做咗個（聲稱）週刊嘅物體，仲要識整試閱版，仲要……真係有人比錢subscribe…諗返起都好笑，自己喺度度內容，諗啲同學會鐘意睇咩，諗個週刊點印點摺。中學嘅時候成日比老師罰，次次功過相抵都係做壁報…頂…多數都係得我一個做，仲有次自己畫個board game出嚟，全級廿幾人一齊玩，總之總係鐘意整呢整路。小學又好中學又好老師嘅評價都係：她對於自己有興趣的事情，都會很努力做。

率之，大個咗就走去做設計。

2019年開始，我忽發其想開始Run呢個Page，真係無心插柳，開始有人睇有人follow，我其實心底裡覺得自己真係好幸運，我大個咗真係可以繼續做創作比大家睇（要喊了）。有啲人話唔知我做咩，以為我呢度係一群人營運嘅一個page，其實事實上係我一人分飾好多角。我感謝呢度所有欣賞我、願意花時間去睇我嘅創作、甚至試過打一大篇字去回應我嘅創作嘅朋友，呢啲都唔係理所當然，我會感恩一切同繼續謙卑地努力創作！

今次做呢個展，雖然我問咗自己好多次「條女馮咩」，但最後都決定做，因為係我設計生涯嘅第一個十年，我想做一個小小里程碑同一眾親友們分享，我分享嘅都係我對生活嘅想法同觀察得來嘅創作，如果你睇開觀公啲嘢都覺得有趣！希望大家賞面嚟參觀！

更多詳情：https://www.instagram.com/p/DB1EB-BvJOr