簡介
最近有咁多熱門嘅香港電影成為城中熱話，大埔藝術中心都想趁呢個機會舉辦放映會，俾大家繼續過吓戲癮！
今次「電影三歌」放映會，我哋搜羅咗三套「本地音樂」主題電影，喺嚟緊每個月嘅週六陸續放映。
無論係想透過《岸上漁歌》了解香港老漁民嘅水上故事、重溫最近勇奪台灣金馬獎影后鍾雪瑩所主演嘅《填詞L》，或者感受《4拍4家族》透過音樂重寫家庭同城市嘅回憶，都可以免費登記參加今次嘅放映會。
名額有限，大家快啲報名啦！
注意事項：
- 免費入場，門票先到先得，不設劃位
- 場內嚴禁飲食
- 請於放映會開始前十五分鐘到場準備入座
- 逾時者之門票將會被分派至即場報名輪候的觀眾
製作／參與人員
主辦大埔藝術中心
購票／報名