Q：對於這個票選結果的感受是什麼？對你們團隊意味著什麼？
同流：呢個票選結果絕對係對音樂劇《移家女孩》一個好大的支持與肯定，令我哋感到非常感動同興奮。多謝所有觀眾嘅投票，你哋嘅支持係對團隊努力最好嘅回報，特別係主創團隊嘅心血得到認可，令我哋更有動力創作出更好嘅作品。
Q：未來有計劃重演《移家女孩》嗎？如果有，你們有怎樣的想法和計劃？
同流：關於未來嘅計劃，我哋非常期待即將喺三月於牛池灣文娛中心劇院上演嘅音樂劇《移家女孩》2.0。呢個版本係基於《移家女孩》1.0版本及愛丁堡國際藝穗節嘅1.5版本延伸而來，內容更細膩，製作更用心，務求帶畀觀眾更豐富、更具共鳴嘅劇場體驗。我哋希望透過2.0版本，進一步深化故事情感嘅層次、比喻、舞台效果等，令大家有更深刻的感受。再一次感謝觀眾對《移家女孩》嘅喜愛，我哋期待喺劇場見到大家！
|
